طبعا بستار أكاديمي 5 قصص الحب ما في اكتر منها ويمكن كمان شوي رح توصل لدرجة انو قصص الحب تكون اكتر من الطلاب نفسهم والقصص هي:
القصة الأولى :قصة اسما من المغرب مع عدنان (النسونجي) من سوريا اسما بتموت في مخلوق اسمو عدنان بس عدنان ما بحس انو بيحب اسما عنجد يمكن بأول البرنامج كان يحبها بس هلا هو بلش يكرهها ويكره دلعها بس بصراحة معو حق لانو اسما دلعها كتير تافه يعني مش حلوة منها انها تعيط علشان سندويشة زي الأطفال الصغار بس أنا متأكدة انو مهما طالت هاي القصة فهي رح تنتهي ومش رح تستمر .
القصة الثانية:قصة ضيا من المغرب مع سعد من لبنان التنين بيحبو بعض حب جدي مش مزح ولا تضييع وقت وحبهم حقيقي بس لهلا ما حدا صارح التاني بحقيقة مشاعرو ما بعرف ليش مترددين مع انو كل شي واضح
وضيا كمان انجنت وطار عئلها لما بعتلها واحد من المعجبين سلسال مكتوب عليه أول حرف من حروف سعد الs وحكت انها رح توقف الموضوع وتنهي بس ما طبعا مابتئدر لانها بتحب سعد وما بتئدر أنها تستغني عنو عشان حكي الناس .
القصة الثالثة :قصة احمد من مصر مع جيسيكا من لبنان حب من طرف واحد بس ويلي هو احمد ...احمد بيحب جيسيكا كتير وهو صارحها بالموضوع بس احمد يعتبر الصديق المقرب جداااااااااا عند جيسيكا لانو جيسيكا مرتبطة والعلاقة انتهت بخروج جيسيكا من الاكادمية الحمد لله انها طلعت وله كان تركت حبيبها عشان احمد .
القصة الرابعة:قصة شهيناز من مصر مع احمد من مصر ..كمان هاد حب من طرف واحد بس هالمرة الطرف هو شهيناز لانو احمد بيكره شي اسمو شهيناز وهو ما بيطيئها ودايما يجاملها ويحكيلها انو انتي اقرب وحدي عندي بعد ما طلعت جيسيكا وهي مصدقة حالها كتير ياحراااااااااااااام يا شهيناز .
القصة الخامسة:قصة زاهر من فلسطين مع أمل من الجزائر قصة حديثة وحصرية والحب هالمرة من الطرفين أمل و زاهر مع وجود فارق السن إلا أن زاهر بيحب أمل وأمل بتحب زاهر وزاهر متردد في انو يفاتح أمل الموضوع لأنو خايف انها تكون على علاقة مع حدا برا الاكادمية بس هو حاول انو يلمح كتير قدام أمل
بس أنا متأكدة انو أمل بتحبو لانو ما بتحلالها القعدة غير مع زاهروبس وهي زعلت اكتر منو لما طلع نوميني.
القصة السادسة: قصة يمكن ما يكون في إلها وجود بس في كتير من الناس حكوا انها صحيحة وأكدوها بس أنا مش مقتنعة فيها وهي بين مصطفى من لبنان وميرهان من مصر.. مصطفى أكد انو مافي شي بينو وبين ميرهان وميرهان حكت نفس الشي بس لسة في شكوك انو حتى لو ماكانو يحبو بعض فهم رح يتطورو زي غيرهم ويصيرو يحبو بعض يمكن لانو بيحبو يقعدو مع بعض كتير لحالهم.
القصة السابعة:قصة لسة ما صارت بس بوعدكم انو رح يجي دورها يوم من الأيام في الاكادمية ورح تكون بين محمد من الأردن وإيمان من المغرب هم اكتر اتنين بيحاولوا انهم يتقربو من بعض فيمكن يتطورو كمان ما حدا بيعرف.
لو كان السبعة قصص كلهم صحيحين واستمروا فانا بوعدكم انو رح يكون في قصة ثامنة ورح تكون مع نادر و آمال من تونس لانو الكل صار يحب بعضو ومش رح توقف على نادر وآمال طبعا باستثناء الطلاب الخليجين لانو مافي حدا يناسبهم بالاكامية .
والله يزيد المحبة بين الكل....
الرئيسية 
التسجيل 
دخول 
الأربعاء أكتوبر 08, 2008 3:42 am من طرف 
موضوع: الغراميات بالشكل الممل 
